Qeveria e Kosovës ka njoftuar se kryeministri në detyrë, Albin Kurti, ka udhëtuar për në ShBA.
Në komunikatën për media është thënë se Kurti do të takohet do të zhvillojë takime bilaterale me liderë në kuadër të punimeve Asamblesë së Përgjithshme të Kombeve të Bashkuara.
Gjatë kësaj vizite, sipas komunikatës, Kurti do të takohet edhe me komunitetin shqiptar.
“Kryeministri në detyrë i Republikës së Kosovës, Albin Kurti, ka udhëtuar për në Neë York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara. Gjatë qëndrimit atje, gjithashtu do të takojë pjesëtarë të komunitetit shqiptar në ShBA dhe përfaqësues të shoqatave të diasporës. Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit tonë në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj”, është thënë në komunikatën e Qeverisë.
