Rita Ora po planifikon një album të ri, si dhe një turne për vitin 2026.
Krijuesja e hitit “Anywhere” ka shpjeguar se dëshiron të publikojë dhe të bëjë turne vitin e ardhshëm në albumin e saj të katërt në studio, pasi kohët e fundit është përqendruar në elementë të tjerë të karrierës së saj – siç është puna e saj në aktrim.
Duke folur për një stacion radiofonik në Melbourne, Rita tha: “Padyshim që do të dalë një album”.
Foto: Rita Ora/Instagram
Ajo përmendi më tej: “Jam vërtet e përqendruar në këtë album dhe do të dal në turne – nuk kam bërë turne për një album që nga viti 2018”.
“Karriera ime ka qenë shumë interesante. Kam bërë filma, televizion, kam tentuar të kthehem disi nga brenda. Në vitin e ri, do të shkoj drejt brendësisë – për të pastruar gjërat dhe për të udhëhequr me një qëllim”, përmendi këngëtarja e hitit “For You”.
Rita zbuloi se planifikon të bëjë turne në Australi dhe Zelandën e Re, pasi rajoni është bërë “shtëpia e saj e dytë” që kur u martua me regjisorin nga zelandez Taika Waititi, në vitin 2022.
“Do të shkoj 100 për qind në turne në Australi, pastaj në Zelandën e Re dhe pastaj do të kthehem përsëri – është si shtëpia ime e dytë”, konfirmoi këngëtarja 34-vjeçare.
Foto: Rita Ora/Instagram
Për më tepër, Rita njoftoi gjithashtu se do të publikojë një dokumentar të jashtëzakonshëm që do të përmbajë pamje filmike të tetë viteve.
Artistja shqiptaro-britanike i tha gazetës The Sun: “E kam filmuar veten për tetë vitet e fundit dhe një ditë do të më duhet të përdor ato pamje filmike”.
“Dhomat e zhveshjes më janë përmbytur, veshja ime nuk ka mbërritur në kohë. Ndonjëherë nuk kam pasur një grimer dhe më është dashur të fshihem nën syze dielli”, tha Rita Ora për tabloidin britanik.
