Një debat dyditor në rrjetet sociale mes gazetares Edlira Qefalija Zeka dhe fotografit Vedat Xhymshiti ka hapur reagime të shumta, pasi kundërthëniet dhe akuzat mes palëve janë thelluar nga ora në orë.
Qefalija Zeka thotë se Xhymshiti po hedh akuza të rënda ndaj figurave publike dhe ish-pjesëtarëve të luftës pa paraqitur asnjë provë. Sipas saj, ai ka ndërtuar një fushatë akuzash ndaj Milaim Zekës, madje ka pretenduar se ai ka qenë viktimë e dhunës fizike dhe seksuale. Ajo pohon se i ka sjellë dokumente dhe fotografi post-operative për të dëshmuar se shenjat në fytyrën e Milaimit janë rezultat i një operacioni, por Xhymshiti ka kërkuar “verifikim nga mjekët e tij në Angli”.
Gjatë debatit, gazetarja tregon se i ka drejtuar Xhymshitit disa pyetje rreth akuzave për dhunë, për pretendimet për ndikim në proceset e Hagës dhe për motivin e tij në akuzimin e figurave kyçe të luftës. Ajo thotë se nuk ka marrë asnjë përgjigje konkrete, ndërsa Xhymshiti vazhdon të flasë “në emër të burimeve të tij”, pa dokumente apo referenca.
Në këtë përplasje, Qefalija Zeka kujton edhe një hulumtim të publikuar më herët nga gazetarët e Nacionales, ku thuhet se Xhymshiti ka përfituar mbi 10 mijë euro nga Ministria e Kulturës për një projekt të parealizuar. Sipas saj, ky raport i dokumentuar e paraqet atë si mashtrues, ndryshe nga imazhi që ai mundohet të krijojë në publik.
Ajo paralajmëron se së shpejti do të publikojë materiale të tjera që, sipas saj, e lidhin Xhymshitit me takime në Beograd me figura të BIA-s serbe, përfshirë Bojan Dimiç dhe Sllavisha Filiqin, i dënuar së fundmi në Kosovë me 15 vite burg.
Në fund, gazetarja përmend raportimet e disa mediave në Shqipëri, të cilat e kanë lidhur Xhymshitin me akuza të rënda për pedofili në Kosovë, të cilat, sipas tyre, kanë qenë arsyeja kryesore e largimit të tij në Britaninë e Madhe. Ajo thotë se këto janë referenca publike dhe e sfidon Xhymshitin t’i rrëzojë me prova.
Debati mes tyre vijon në rrjetet sociale dhe po sjell reagime të shumta nga publiku.
Postimi i plotë:
Njeriu që akuzon, kokë e këmbë në korrupsion e ndër akuza.
Kam jo pak, por dy ditë të plota që po merrem me një fotograf që I thotë vetës gazetar. Flet teslim, e nuk mban asnjë përgjegjësi për ato që thotë. Akuzon majtas e djathas me fjalë të mëdha, por nuk nxjerr asnjë fakt e asnjë provë.
Dyshova në shëndetin e tij mendor fillimisht. Pastaj dyshova në obsesionin e tij ndaj Milaimit, se përvec që e ka marrë mision ta quajë dëshmitar të Hagës, tradhëtar, spiun etj, tashmë po e nxjerr edhe si viktimë të dhunës së supozuar nga ai, dhunë fizike dhe seksuale. Ia vërtetova me imazhe se shenja në fytyrë që ka Milaimi është post operative. I dhashë reference ditën e operacionit dhe mjekun që e ka kryer atë operacion. Por se Vedati, I shndërruar në Vudi (s’po flas këtu për komplekset e një njeriu që urren edhe emrin e vet e prandaj e ndërron) kërkonte verifikim mjekësor nga mjekët e tij në Angli, që të bindej për sa faktova unë. S’di a të qesh a të qaj?
Në debatet e mia me të, ia ngrita disa pyetje mes të cilave:
A u rraf vërtetë Milaimi nga njerezit e Hashimit?
Kur dhe ku u dhunua?
Kush e dhunoi?
Faktet po I lypi.
A mban ti Vudi përgjegjësi që Haga ende e mban në burg Hashim Thaçin e të tjerët për shkak të akuzave që I ngre TI se njerezit e tij mund të nderhyjnë në proces? Ti ngre dyshime, të cilat I shkojnë për shtat asaj Gjykate. Pse?
PSE e do Hashimin në Hagë të dënuar?
Kush të paguan?
Kush të nxit?
Vegël e kujt je?
Pse ke luftë personale me gjithë krahun e luftës?
Pse çdo kontribues te lirisë së Kosoves ti Vudi e flliq, e bën ose dëshmitar ose spiun?
Sigurisht që nuk prisja asnjë përgjigje, sepse e dija që përgjigja e tij e vetme do të ishin akuza të tjera, për të devijuar tërësisht (ashtu sic ai më akuzon mua) drejtimin e debatit.
E mes gjithë kësaj zallamahie komentesh, në Facebook timin (Aty i gjeni se nuk fshij asgjë) ky fotografi I vetëshpallur gazetar hulumtues, ngulmon që unë ti përgjigjem me fakte akuzave të tij . Paramendo dmth ai akuzon pa asnje fakt e unë duhet ti përgjigjem duke I sjellë atij fakte. Se ku është parë e se ku është dëgjuar kjo, vetëm mendja e tij mund ta pjellë.
E unë kam dy ditë që e lus që t’i sjellë provat e faktet që mbështesin akuzat e tij. Unë dhe burri im s’mbajmë pozita publike, dhe ai s’përbën kurfarë autoriteti mediatik, publik, hetimi, gjykimi, as njerëzor tek e fundit, që ne me iu përgjigj me doemos në gjithë delirimet e veta. Me ia nis me iu përgjigj gjithsecilit delirant që ekziston në rruzullin tokësor, s’do shkulesha kurrë nga tastiera, dhe do humbja Kohën time të vyeshme me familjen dhe punët e mia që janë shumë më të rëndësishme se Vedati.
Ndërkohë fotografi i cili flet gjithmonë në Pluralis Maiestatis, nuk i përgjigjet asnjë pyetje të ngritur nga unë. Po asnjë hiç. Vazhdon e thotë: sipas burimeve tona, të vërtetuara nga NE… se kush ishin këta NE, ec e merre vesh. Dhe e vërteta e tij, mbetet bosh, pa dokumenta, pa fakte, pa kurgjo hic.
Para jo më larg se një viti kolegët e Nacionales, sollën një hulumtim të mirëfilltë për punën e “vyer” të këtij fotografi, të cilin e gjeni me fakte, argumenta, dokumente dhe prova në linkun më poshtë. Aty vërtetohet se ky “flamurtar” I hulumtimeve, I fjalës së lirë, I gazetarisë, I kuçit dhe I maçit, është thjesht një mashtrues. Një njeri që edhe pse jeton në Mbretërinë e Bashkuar, ka marrë nga Ministria e Kulturës së udhehequr nga Hajrulla Çeku i Lëvizjes VetëVendosje jo më pak se 10500 Euro për një project që nuk është realizuar kurrë. Kolegët gazetarë të Nacionales e vërtetojnë me PROVA dhe FAKTE hulumtimin e tyre. Linku më poshtë…
E unë po premtoj që do sjell edhe fakte e argumenta të tjerë, për takimet që ky zotëri I ka patur me BIA-n serbe të organizuara në Beograd me Bojan Dimic, shefin e BIA-s serbe për Kosovë dhe me Sllavisha Filiq ish shefin e xhandarmërisë serbe për Kosovë, i cili nga Gjykata e Kosovës jo më larg se para dy muajsh është dënuar me 15 vite burg për shkak të zhdukjes së doktorit të njohur Hafir Shalës. Kujtojmë se Hafir Shala ka qenë në treshen e celulës me Fehmi Lladrovcin dhe Fatmir Krasniqin.
Ndërkohë sipas mediumeve në Shqipëri, Vedat Xhymshiti ka qenë I akuzuar për vepra pedofilie në Kosovë me fëmijë të moshës 7 vjeçare, gjë që ka qenë edhe arsyeja kryesore e emigrimit të tij në Mbretërinë e Bashkuar, ku aktualisht po jeton me partnerin e tij. Keshtu thone mediat ne Shqiperi, e Vudi le ta vertetoje te kunderten nese mundet.
Biles unë po flas me referenca e Vudi – Vedati, le të vazhdojë me më the e të thashë ku si reference merr vetem artikujt e vet aty ku deliri shkon pertej edhe analizave frojdiane.
