Kryetari i Lumir Abdixhiku ka bërë të ditur se i është përgjigjur ftesës për takim nga kryeministri dhe kryetari i Lëvizja Vetëvendosje, Albin Kurti, lidhur me çështjen e zgjedhjes së Presidentit.
Abdixhiku ka thënë se e ka falënderuar Kurtin për ftesën, por se do t’i përgjigjet pozitivisht takimit vetëm pas verdiktit të Gjykata Kushtetuese e Kosovës.
Sipas tij, duke qenë se çështja e zgjedhjes së Presidentit tashmë është në shqyrtim në Gjykatën Kushtetuese, procesi politik duhet të presë deri në vendimin e këtij institucioni.
“Duke qenë se çështja e zgjedhjes së Presidentit është tashmë në shqyrtim të Gjykatës Kushtetuese, duhet të kuptojmë se koha jonë politike ndalon përkohësisht, ndërsa koha e dëgjimit kushtetues merr fjalën në pavarësinë e saj”, ka deklaruar Abdixhiku.
Ai ka theksuar se respektimi i këtij rendi institucional, pa procese të tjera politike paralele, është në nder të institucioneve dhe të Republikës.
“Verdikti i Gjykatës duhet pritur me respekt të plotë institucional dhe me qetësi politike. Një orë pas verdiktit, mund të takohemi sërish”, ka shtuar Abdixhiku.
