Ambasada Gjermane në Prishtinë ka njoftuar për takimin që kanë pasur ditë më parë me misionin faktmbledhës së Këshillit të Evropës, sa i përket situatës me lirinë e medias në Kosovë.
Ambasada ka njoftuar se gjatë këtij takimi kanë pasur biseda të rëndësishme me përfaqësuesit e organizatave ndërkombëtare të gazetarëve dhe përfaqësuesve të ambasadave.
“Puna e Misionit të Mbledhjes së Fakteve të Këshillit të Evropës është me rëndësi të madhe në një kohë kur liria e shtypit po bëhet gjithnjë e më e brishtë. Gjermania vazhdon të jetë e përkushtuar për të mbështetur sigurinë e gazetarëve dhe lirinë e medias”, thuhet në njoftim.
