Ushtruesja e detyrës së presidentes, Albulena Haxhiu, ka takuar sot përfaqësuesin e përhershëm të SHBA-së në NATO, Matthew Whitaker.
Bashkë me të, Haxhiu thotë se biseduan për zhvillimet aktuale politike, sigurinë në rajon dhe rëndësinë e bashkërendimit ndërmjet aleatëve, transmeton IndeksOnline.
“Shpreha mirënjohjen time për mbështetjen e palëkundur që Shtetet e Bashkuara i kanë dhënë Kosovës ndër vite, si dhe vlerësimin për angazhimin e Ambasadorit Whitaker në forcimin e partneritetit tonë strategjik dhe sigurisë në rajon” ka shkruar Haxhiu.
