Ish-Këshilltari i Thaçit, Artan Behrami, ka kritikuar Kryeministrin e Kosovës, Albin Kurti pas vendimit për ulje të pagave të gjyqtarëve dhe prokurorëve në vend.
Me anë të një postimi në rrjetin e tij social Facebook, ka thënë se Kurti me politika kamikaze siç i quan ai po prodhon tri konflikte.
Sipas tij, Kurti po krijon konflikt me pakicën serbe, mirëpo jo me Serbinë, poashtu konflikt social brenda vendit, me ulje pagash, luftë kundër shërbyesve civilë, kundër bizneseve, kundër mediave, si dhe konflikt me Perëndimin, veçanërisht me SHBA-në.
“Kryeministri Kurti me politika kamikaze po prodhon tri konflikte:1. Konflikt me pakicën serbe, jo me Serbinë;2. Konflikt social brenda vendit, ulje pagash, luftë kundër shërbyesve civilë, kundër bizneseve, kundër mediave etj.;3. Konflikt me Perëndimin, sidomos me Shtetet e Bashkuara të Amerikë”, ka shkruar Behrami.
