Mustafa Imeri nga Lëvizja Demokratike e Izet Mexhitit është emëruar sot drejtor i Filharmonisë, me firmën e ministrit të Kulturës, Zoran Lutkov.
Emri i Imerit ishte përmendur muaj më parë për këtë post, ndërkohë që kishte pasur kundërshtime nga punonjësit e Filharmonisë, të cilët shprehën shqetësime se, megjithëse ishte zhvilluar një konkurs për drejtor, emërimi mund të kishte ndikime politike.
Por, duket se arsyeja e vërtetë ishte ndryshe – në fakt, disa punonjës të Filharmonisë kishin vështirësi të pranonin një drejtor shqiptar, siç është rasti i Mustafa Imerit.
Mustafa Imeri është një tenor i njohur dhe i suksesshëm, dhe ka pasur një karrierë të gjatë si shef i paraleleve shqipe në Shkollën e Muzikës “Ilija Nikollovski Luj” në Shkup.
Zëvendëskryeministri i parë Izet Mexiti ka njoftuar emërimin e Mustafa Imerit drejtor të Orkestrës Filarmonike në qershor të vitit 2024.
Kujtojmë se Mustafa Imeri, është shkarkuar nga pozita sepse ka përkrahur mendimin ndryshe dhe ka publikuar një foto me kreun e Lëvizjes Demokratike, Izet Mexhitin
“Por, unë ndjehem krenarë që në këtë betejë mes një grushti politikanësh në ikje dhe popullit që kërkon ndryshim, unë jam në anën e popullit. Të nderuar, Ju po shkarkoni, por populli po bashkohet, ju po revanshoheni por populli po çohet. E mira në këtë të keqe është që këtij zullumi i kanë mbetur vetëm edhe 90 ditë. Do të durojmë, 8 maji është dita jonë. E pas paravanit ne me votën tonë do ta shkarkojmë këtë pushtet”, deklaroi Mustafa Imeri atëherë që doli të jetë i saktë.
Kjo është kpoja e vendimit është emëruar drejtor i Filharmonisë, me firmën e ministrit të Kulturës, Zoran Lutkov
